24 февральыште Шлань клубышто «Унчо этно-культурный комплекс» да Шлань ялысе да клубысо фольклорный ансамбль-влак дене пырля землячкыштын, Россий писатель ушемын еҥжын Роза Салахын «Шлань в годы войны» книгаж дене палдарымашым эртареныт. Вашлиймаште лийыныт: «Марий книга савыктыш» пöртын вуйлатышыже, писатель, журналист, Марий Эл тӱвыран сулло пашаеҥже, Россий писатель ушемын еҥже, шуко тӱрлö премийын лауреатше да книгам савыктыше Ю.И.Соловьев, «Ончыко» журналын редакторжо, Марий Элын сулло журналистше Б.А.Шамиев, «Марий тӱвыра рӱдерысе» «У муро» студийым вуйлатыше Г.В.Григорьев, Унчо кундемысе администрацийым вуйлатыше И.М.Евсеев да шукыжым Шлань ял гыч, тыгак Унчо кундемысе моло ялла гычат ончышо-влак.