23 февральыште Элым аралышын кечыже лӱмеш Унчо кундемысе пограничник-влак да Моркысо «Застава» лӱман мер ушем Шлань ялыште «Унчо этно-культур комплекс» дене пырля биатлон дене танасымашым эртареныт. Тиде пашалан шуко полшышо лийын: «Передовик» ял озанлыкын вуйлатышыже Ю.А.Игнатьев, верысе предприниматель А.И.Оразаев, В.Ю.Николаев, Р.К. ден Г.И.Евсеевмыт, Д.Г.Аксюбин, В.П.Макаров, А.А.Кузьмин, Р.Р.Мухамадеев, А.Э.Беткин, Г.В.Анисимов, А.В. ден Е.Н.Петровмыт. Нунылан кугу таум ойлена, таза лийышт! Чылаже 10 категорийыште 43 ӱчашыше лийыныт. Эн изи участниклан 5 ий лийын, эн кугу ийготанлан 62 ий лийын.